mettez sur tranchouers en plas pour esgouter et séchier devant le feu puis cuisiez bien espois avec l'eâue de la gresse de la char de beuf et avec du saffran se c'est à jour de char: et se c'est à jour de poisson, n'y mettez pas eaue de char, mais en ce lieu mettez amandes bien forment broyées et sans couler; puis succrer et sans saffren.
POUR FAIRE UNE FROIDE SAUGE, prenez vostre poulaille et mettez par quartiers, et la mettez cuire en eaue avec du sel, puis la mettez reffroidier puis broyez gingembre, fleur de canelle, graine, giroffle, et broyez bien sans couler; puis broyez du pain trempé en l'eaue des poucins, percil le plus, sauge et un pou de saffren en la verdure pour estre vertgay, et les coulez par l'estamine, (et aucuns y coulent' des moyeux d'œufs durs) et, deffaites de bon vinaigre et icelles deffaites, mettez sur vostre poulaille, et avec et pardessus icelle poulaille mettez-des oeufs durs par quartiers et gettez vostre salisse pardessus tout.
.dliter, prenez le poucin et le plumez, puis le mettez boulir et du sel tant qu'il soit cuit, puis l'ostez et le mettez par, quartiers, reffroidier puis mettez cuire des œufs durs en l'eaue, et mettez du pain tremper en vin et vertjus ou vinaigre, et autant de l'un comme de l'autre; puis prenez du percil et de la sauge, puis broyez gingembre, graine, et coulez par l'estamine, et coulez les moyeux d'œufs, et mettez des œufs durs par quartiers dessus les poucins, et puis mettez vostre sausse pardessus.
Sous de pourcelet se fait ainsi comme d'une froide sauge, sans y mettre nuls œufs et point de sauge ne de Var. B, pour couleur, au lieu de y coulent.