LE CHEMIN DE PAUVRETÉ ET DE RICHESSE. 21

B iij

C'est Souffisance la séure

Qui ceulx qui là vont asséure
Et les fait vivre en bon espoir
Sans penser à nul désespoir,
Car tout ce qu'ils ont leur souffist.
Soit à dommage ou à prouffit,
Dieu loent sans estre lassés
Aussi tost d'un pou com d'assez.
Cils sont riche parfaictement,
Et nuls n'est riches autrement
S'il ne va parmy Souffisance
Et fut-il ores roy de France.
De l'autre sente te diray,

La vérité n'en mentiray

Elle va à senestre partie,

Mais c'est bien chose mi-partie' '̃
Envers celle qui va à destre,
Car nul n'y puel assouvis estre.
Celle sente a nom Convoitise
Qui les cuers enflambe. et atise
D'estre convoiteux sur avoir;
Qui plus en a, plus veult avoir,
Tousjours de plus en plus con-
voite,

D'aler avant si fort les coite'
Et quant' ils viennent au chastel
De Richesse qui tant est bel
Avis leur est que riens fait n'ont
S'encores plus avant ne vont.
D'aler oultre est bien leur entente,
Tant com leur durra celle sente
A quelque peine que ce soit
Mais certes eUe les déçoit.

Mal en virent oncques l'entrée
Car quant personne y est entrée,
Ne se puet d'avoir saouler,
Ains vonldroit bien tout engou-
ler;

Ne se daignent là arrester,

Mais vont tousjours sans con-
trester,

Querre meilleur pain que fro-
ment,

Dont, puis, se repentent souvent;
Car quant bien hault se sont ju-
chiés,

A un seul coup sont trébuchiés,
De Fortune qui ne voit goute,
Qui de sa roe si les boute

Qu'en la boe les fait chéoir
On le puet chascun jour véoir.
Quantils se voient décéus

Et dû hault au bas chéus

Où fortune les a flatis3,

Lors ont les cuers si amatis* 4
Et si vains que du tout leur fail-
lent,

Et ne scevent quel part ils aillent,
Tant sont honteux et esbahis,
Et se tiennent pour fols naïs5,
Chétis, las, courbés, sans léesse,
Entrans ou chemin de Paresse,
Et s'en vont droit à Povreté,
Desconfit et desbareté

Ne jà puis jour ne seront aise,
Ainçois languiront en mésaise,
Et en tel estat se mourront v
Et, par aventure, pourront
Faire aucun vilain maléfice

Dont il seront mis à justice.
Donc pues-tu véoir et entendre
Qu'il fait très mauvais entrepren-
dre

Sente qui est si périlleuse

Si forvoiant si fortuneuse

Comme est celle de Convoitise,

'Coupée en deux différente. Var B. et 7201 impartie. – "Excite.
– 'Précipites. – «Matés, lassés. – 'Naturels, naïfs.