170 ÉTUDE GÉNÉALOGIQUE
N° 5
Contrat de vente par Olivier Moëssan à Eon fils Olivier
le Nevou clerc.
1311. — A touz ceux qui orunt et verrunt cestes presentes lettres Guegan de Crenan escuyer segnor feal en partie des chosses qui s'enseuent et Oliuier Peloessel escuyer seneschal de Pleentel fee saluz en de. Sachent touz que par dauant nos personaument establiz Oliuier le dit Moessan de la paroesse de Pleentel e Anyce sa fame e Jehen lor fanz esné o l'autorité du dit Oliuier quant à ce astor donée par dauant nos vendirent e requenurent par dauant nos eux auoer vendu e ballé e octréié en nom de vente perpetuelle à Eon fanz Oliuier le dit Neuou clerc a luy e à ses hers à jamès afin héritage tenir e auoer c'est asscavoir tel eschange de terres e lor appartenances comme Oliuier fanz au dit Ol. leneuou fresre du dit Eon auoit ballé autrefoez au dit Oliuier Moessan en la ville hurupel e es villes de magoaran e lor appartenances sisses sos nostre segnorie a tant comme à chacun en apparteint por seze livres e les ventes des dites chosses e du prés de la dite vente se tindrent les dits Oliuier Moessan e sa fame e lor fanz o l'autorité dessus dite du dit Eon par dauant nos por bien paez, bans sur ce fez regnablement ventes paées o totes autres chosses droetement e bien fètes qui à vente e à achat appartenent segond la costume de la terre jurèrent par devant nos les dits maryez et Jehen o l'autorité dessus dite que jamès es dites chosses enfin vendues riens de ci en auant ne demandevunt ne ne ferunt querre ne demander par resson de doare ne par aucune autre resson e cause e que contre la teneur de cestes lettres ne vindrunt. Ce fut doné temoyn le scel de nos Oliuier Peloessel por nos e es prières de nos Guegan por yceluy. A mere fermeté ensemble o le scel Guillme du Hinou es prières des dits maryez e Jehen o l'autorité dessus dite sauf nostre droet e nostre sesine e de tote autre segnorie féalle le jor de vendredi après l'Acension en l'an de grâce mil tres cenz e unze. (Archives des Côtes-duNord. — Transcription faite avec l'obligeant concours de M. Desage, archiviste des Côtesdu-Nord.)