122 ÉGLISE SAINT-MERRY DE PARIS.
COiNTRAT DES TAPISSERIES
Fuct présent Morice Dubout, tappissier de haulte lisse, dcmouranl dedans l'enclos de l'hospital de la Trinité de Paris, rue Sainct Denis, lequel a confessé avoir faict marché et convenant, promis et promect à nobles personnes MM. Jehan le Bourguignon, conseiller et advocutdu Roy en son Chastellet de Paris, Nicolas Clerselier, greffier des juge et consulz des marchands de ceste ville de Paris, et Jehan Jonnet, marchant bourgeois de Paris, ou nom et comme marguilliers eluz de l'oeuvre et fabricque Monsieur Saint Méderic à Paris, à ce présens et stipulant pour icclle église, de faire et parfaire bien et duement, audire d'ouvriers tappissiers et autres gens à ce congnaissans, toutes et chacunes les pièces des tappisseries de haulte lisse qui luy seront baillées et commandées à faire par lesdits marguilliers, et selon les patrons qui luy en seront délivrez, sans aulcune chose diminuer ne changer, et par cspécial de faire les visages et les carnositez suivent les dits pourtrailz sans aulcune painture; et faire la d. tapisserie de la fine soielte qui luy sera fournie par iceulx marguilliers; et de ce qu'il auraaffaire d'autres coulleurs que de celles qui luy seront fournies par lesdits marguilliers, sera tenu ledit Morice de lès fournir aussy fyne et de pareille force et bonté que celle qui luy sera baillée par iceulx marguilliers ; toutes lesquelles pièces de tappisseries sera tenu de réhaulser de fine soye my partie, es endroicts qu'il conviendra, soict aux rebaulsements des habitz, festons, feuiltaiges et autres endroietz qu'il conviendra, de soye blanc, bleu, vert et jaulne, mesmes aux camaieulx les réhaulser tous de soye blanche, et par toutes les pièces, ainsy et en aussy grande quantité que en la pièce de tappisserie de « Nativité de Notre-Seigncur», jà par luy faicte et délivrée, et les rehaulsemens qui sont rouges, aussy les réhaulser de fine escarlate brune et soye rouge cramoisye, et rendre icellcs pièces aussi bien faictes et mieux, se est possible, que est ladite pièce de « la Nativité ».
Ce marché faict moiennanl et à la raison de douze escuz soleil pour chascune aulne en carré, mesure de Paris, qui luy sera paiée au feur et ainsy qu'il fera les d. ouvrages; à quoy faire sera tenu avecq ses gens de soy employer continuellement, sans discontlnuacion, à deux ou trois mestiers, et sans que ledit Dubout puisse travailler ne besongner pour aultry en quelques autres ouvralges de tappisseries que ce soit, sur peines de dix escuz de peine qu'il a promis et sera tenu de paier pour le profflct d'icelle oeuvre pour chacune fois qu'il sera trouvé besongnant ou faisant besongner pour aullruy en tapisserie sinon que pour la d. église; et pour le regard des laines qui luy seront délivrez par les d. marguillicrs pour faire lesdits ouvraiges, iceluy Dubout sera tenu en tenir compte et rabat 1 re ausd. marguilliers la quantité de cin-