ARCHIVES ADMINISTRATIVES

42

proïméè; et fu ressus cts Jehans à oïr comme mainbours desdiz enfans.
Mais lidiz Henris lie voloit mie issir de la maison, deci à tant que grez h*
fût fâiz, aussi bien de ses mises-comme de son sort, se droit non disoit.
Droiz fu dis des eschevins, par consel de bonnes gens, que eis Henris
n'isteroit de la maison, juques à tant que grez li seroit fait aussi bien
de ses mises comme de son sort.
Pardevant le prévôt de Rains fu faite demande de Heudoul de Lai-
tre, tuteur et curateur as enfans Hersen la Brutine, seur cas de pro-
priéteit d'une maison qui siet à Rains entre la maison Colart d'Avenson,
d'une part, et la maison Biautris la Jue d'autre part, la ruele entre
deus, laqueile maison estoit Hersen -la Brutine en tens qu'elevivoit, et
en fu ladite Herséns, mère asdiz enfans, morte tenans et prenans con
de la sienne. Si requéroit li curatère asdiz enfans, contre maistre Bauduin
de Heudresivile, Hue le Gras, monsigneur Jehan Gergaut, et monsigneur
Pierre de Tours-seur-Marne que s'il connoissoient que la demande fût
voire* en la mennière devantdite, que tous li drois de ladite maison de
la propriéteit vaingne, et doit venir, pardevers les enfans, en tant que
il se dient hoir à plain. Maistres Bauduins et si compaingnon requé-
roient estre assaut de là demande devantdit, et que ladite maisons fût
ajugiè à eus. Eschevin oïrent les raisons et les tesmoins des parties, et
veirent instrument mis en mennière de provance, et se meirent les
parties à droit.

Drois fu dis des eschevins, par consel de bonnes gens, que li drois
de la propriéteit de la maison devantdite appartient as encans la Bru-
tine, en tant que il se font hoir de leur mère à plain.

Pardevant le prévôt de Rains fu faite demande des pourveurs des
chartriers de la Mazelainne, contre les filles la Brutine, de vt s. de
annuel et perpétuel sourcens, que lidit pourveur demandoient seur
une maison séant à Rains seur le pignon de la rue Wautier-Ie-Noir,
au chiés d'amont, devers porte Basel; et disoient lidit pourveur que
Jehan de Mon toison, et Aalis sa femme, qui furent, avoient vendut le
devantdit sourcens, au tens qu'il vi voient, et qu'il tenoient et posses-
soiént la devantdit maison, comme leu^ et que pour ce il avoient obli-