que nous pour ce avons delivré et delivrons audit Guillemin ledit office selonc le contenu des dictes lettres dessus transcriptes et avons sauvé audit Andrieu que pourtant, ou cas qu'il apporteroit lettres qui devroient empeschier ledit Guillemin, [on] ne !i face préjudice aucun. Si donnons en man.dement à toux que audit Guillemin ou à son depputé ès chouses audit office appartenant obeïssent et entendent diligemment. Donné à Pons, souz le seel de la dite seneschauciée~ le xns jour de decembre, l'an mil ccc x~ et deux. Orig. SMfpat'cA., t& (Le sceau manque.)
G. 1342, 31 mars (nouveau style). -Jean de Chauvigny ordonne de payer à Guillemin Le Clerc, les gages auxquels il a droit pour l'office de tourage de Ma~regard en la ville de Saintes. Jean de Chauvigny, seigneur de Levrous, chevalier. du Roy nostre sire, chevetaine et gouverneur souverain en Xantonge, Poictou, Limosin et ès lieux voisins et seneschal de Xantonge, à Regnaut Croulleboys, receveur pour le dit seigneur es dites parties, ou son lieutenant, salut. Comme par nos lettres aus quelles ces presentes sont annexées nous aions delivré à Guillemin Le Clerc, vallet des pallefrois de Madame la Royne l'office de Tourage de Mauregart en la ville de Xainctes et eussions sauvé à André, geolier de la dite tour, qui tenoit ledit office en nom de Jehan Mouton, que, ou cas que il aporteroit lettres qui devroient empeschier le dit Guillemin, ne li feissiez préjudice aucun, savoir vous faisons que depuis ledit Jehan Mouton, ou autres ou nom de lui, c'est assavoir ledit Andrieu par devers nous, n'eut aporté ne monstre aucunes lettres par quoy ledit Guillemin doie estre empeschiez en aucune manière; pourquoy nous li avons délivré du tout le dit office. Si vous mandons que au dit Guillemin vous paiex les gaiges acoustumez pour cause dudit t office, et depuis le temps que par noz dites lettres nous li delivrasmes le dit office selonc le mandement du Roy nostre