En plus de .xx. lieus deschiré. Le forestier ont adenté,
Et il crie « Constans, aïe;
Por Dieu, le filz sainte Marie, Ne me lesse mie mengier
Jamès ne te toudrai denier. »
Et dans Constans les chiens li oste Qui l'ont et devant et d'encoste En plus de .xxx. lieus plaié,
Et cil se tient à bien paié.
Quant li chien !i furent osté,
Forment li sainent li costé.
Es vous la presse qui engroisse, Toute la gent de la paroisse
1 corurent de toutes pars,
Et par buissons et par essars
Mout i ot grant noise et grant presse, Et chascuns d'aus veoir s'engresse, Por ce que mal atorné erent,
A poi que li chien nes tuerent Par lor pechié, par lor envie,
Tant qu'il jurerent sor lor vie, Seur la croiz et seur le sautier, Et seur toz les sainz du moustier, Qu'a sire Constant du Hamel
N'a sa fame dame Ysabel,
Ne diront mès riens, se bien non. Et la dame est en sa meson,
Qui deniers a à grant plenté
Por ce qu'a sagement ouvré,