son, généralement se peuvent appeller rythme d'autant que la signification de ce mot est fort ample, et emporte beaucoup d'autres termes, comme
mesure, inelodieiise consonance de voix,
conscu!ion et comparaison. Or quant
à l'antiquité de ces vers que nous appelions rymez, et que les autres vulgaires ont empruntez de nous, si on adjoute foy à Jan le Maire de Belges, diligent recercheur de l'antiquité, Bardus V, roy des Gaules, en fut inventeur, et introduisit une secte de poètes nommez bardes, lesquels chantoient melodieusement leurs rythmes avecques instruments, louant les uns, et blamant les autres et estoient (comme tesmoigne Diodore Sicilien en son vIe livre) de si grande estime entre les Gaulois, que si deux armées ennemies estoient prestes à combattre, et lesdits poètes se missent entre deux, la bataille cessoit, et moderoit chacun son ire. Je pourroy' alléguer assez d'autres antiquités, dont nostre langue aujourd'hui est ennoblie, et