l'oysiueté, l'asseurance de se getter si loing du foyer domestique, a la mercy des vagues et de Neptune courroucé, dans vn fraile bateau et qu'elle apprend encore la discretion et la prudence; et que Venus mesmes fournit de resolution et de hardiesse la ieunesse encore sous la discipline et la verge, et gendarme le tendre coeur des pucelles au giron de leurs meres ce n'est'pas tour de rassis entendement de nous iuger simplement par nos actions de dehors; il faut sonder iusqu'au dedans, et voir par quelz ressors se donne le branle mais d'autant que c'est vne hazardeuse et haute entreprinse, ie voudrois que moins de gens s'en mélassent.
CHAPITRE DEVXIESME. DE I2YVRC)GNERIE.
Le monde n'est que varieté et dissemblance. Les vices sont tous pareilz, en ce qu'ilz sont tous vices, et de céte facon l'entendent, a l'auenture, les Stoiciens mais encore qu'ilz soient egalement vices, ilz ne sont pas egaus vices; et que celui qui a franchi de cent pas les limites,
Q_tcos vltra citraque nequit consistere rectum,
ne soit de pire condition que celuy qui n'en est qu'a dix pas, il n'est pas croyable; et que le sacrilege ne soit pire que le larrecin d'vn chou de nostre iardin ~,ec vincet ratio, tantz~rnderrz vt peccet idetnque Qui terzeros caules alienifregerit horti,
Et qui uocturnus Diu:cm sacra legerit.